fbpx

Si t’i kyqni fëmijët në kodim [këshilla për prindër]

A t’i angazhoj fëmijët në diçka argëtuese apo edukative? Kjo është një dilemë që i shoqëron shumicën prej prindërve. Por kur vie puna tek angazhimi i fëmijëve në aktivitete jashtë shkollore, nuk është nevoja patjetër të zgjedhim mes edukimit dhe argëtimit.

Kodimi është një prej aktiviteteve që i përfshinë të dyja, edhe argëtimin edhe edukimin. Për më tepër kodimi i pajisë fëmijët me shkathtësi të domosdoshme për shekullin 21.

Ka mënyra të ndryshme se si mund ta angazhoni fëmiun tuaj në kodim. Ju mund ta bëni këtë përmes lojërave, lodrave dhe librave që ju ndihmojnë fëmijëve të zhvillojnë shkathtësitë kompjuterike (edhe të argëtohen gjatë procesit).

Kodimi i lojërave.
Me tutoriale të ndryshme fëmijët mund ta fillojnë kodimin qysh në moshën 4 vjeçare.

Code.org  është një prej veglave më të mira online për të filluar kodimin në moshë të hershme. (i përshtatshëm për moshat 4+).

Scratch Jr është një lojë për iPad për fëmijë të vegjël e cila bazohet në gjuhën programuese Scratch (e përshtatshme për moshat 5-7 vjeç).

The Foos është një aplikacion tjetër nga MIT i cili bazohet në Scratch, dhe ju lejon fëmijëve të punojnë me karaktere të ndryshme. (i përshtatshëm për moshat 5+).

Kodimi i lodrave
Goldieblox është një prej lodrave që është krijuar enkas për vajza, për të sfiduar stereotipet për vajzat dhe teknologjinë qysh në moshë të hershme. Ky set kultivon mendimin kreativ e shkathtësitë për zgjidhjen e problemeve. Me këtë lojë krijohen paisje të ndryshme duke aplikuar parimet bazë të inxhinierisë (e përshtatshme për fëmijët e moshës 4+).

Lego Mindstorms paraqet një kthesë modern tek një lodër klasike. Me Mindstorm fëmijët mund të ndërtojnë e programojnë robotë, të cilët i komandojnë përmes telefonit. (i përshtatshëm për fëmijët e moshës 10+).

Let’s Start Coding është më shumë se një lodër. Është një pako që përfshinë disa komponente si qarqet elektrike dhe dritat përmes të cilave fëmijët mund të krijojnë projekte të ndryshme (i përshtatshëm për moshat: 8+).

Libra për kodim
Me Super Scratch Programming Adventure! Fëmijët mësojnë bazat e programimit duke i krijuar lojërat e tyre (i përshtatshëm për fëmijët e moshës 8+).

Python for Kids: A Playful Introduction to Programming është version i përshtatshëm për fëmijë për ta mësuar gjuhën programuese Python (i përshtatshëm për moshat 10+).

Burime Online
Scratch është një gjuhë programuese e kriijuar nga MIT për nxënësit e rinjë. Me uebfaqen e Scratch fëmijët mund të krijojnë tregime, lojëra e animacione (i përshtatshëm për moshat 5-7 Scratch Junior, 8+ Scratch).

Codecademy është një prej vendeve ku adoleshentët fillestarë mund të mësojnë online shkathtësi për zhvillim të ueb-it (i përshtatshëm për moshat 13+).

Kodimi mbi të gjitha do të thotë të mësosh duke praktikuar. Për ju që dëshironi ta praktikoni kodimin në një mjedis të përshtatshëm nën mbikqyrjen e një instruktori të kualifikuar atëherë mund të bëheni pjesë kurseve që ofrohen nga CacttuKids. Me CacttuKids fëmijët e moshave 7-15 vjeç mund të regjistrohen për të mësuar kodimin. Programet e ndryshme që ofrohen nga CacttuKids janë të përshtatshme për fëmijët që janë të interesuar dhe kurioz për kodim, e njëkohësisht edhe për ata të cilët nuk kanë pasur eksperiencë të mëhershme në programim.

“Bëhu e ardhmja. Mëso kodimin”

 

Artikull i përshtatur nga atlassian.com
Dhjetor 13, 2018 I pakategorizuar Komentet te Si t’i kyqni fëmijët në kodim [këshilla për prindër] Janë të Mbyllura

Lis Grapci, IT Helpdesk në kujtesa.net

Lis Grapci ka përfunduar studimet në drejtimin “Administrues i Rrjetave dhe Sistemeve Kompjuterike” në Cacttus Education. Pas dy viteve studimi Lisi ka qenë i gatshëm për t’u inkuadruar në tregun e punës, në fushën e teknologjisë. Tani ai me shumë përkushtim ushtron profesionin e IT Helpdesk. Pas një bisede të shkurtër me Lisin ne mësuam më shumë rreth tij, kohës së kaluar si student dhe inkuadrimin e tij në tregun e punës pas studimeve.

Lisi na tregon:

Unë i kam perfunduar studimet në “Systems and Network Administration”. Arsyja pse e kam zgjedhë këtë drejtim është se më pëlqen administrimi i sistemit dhe rrjetit, e ka gjithmonë probleme të reja të cilat duhet me i mirëmbajtë. Gjatë studimeve një prej lëndëve që më është dukur më interesantja dhe që më ka pëlqyer më së shumti ka qenë lënda “Microsoft servers & server infrastructures”

Për inkuadrimin e tij në tregun e punës Lisi thotë:

Jam i punësuar në kujtesa.net, ku ushtroj profesionin e IT Helpdesk. Profesioni që ushtroj momentalisht ka të bëjë me mirëmbajtje dhe siguri të pajisjeve teknologjike si: llaptopë , desktop pc , switch , router etj. Prej detyrave kryesore që i bëj gjatë ditës përfshihen: mirëmbajta e qendrës së thirrjeve, softphones dhe mirëmbajta e rrjetit të brendshëm.

Për ndikimin e studimeve në përgatitjen e tregut të punës Lisi tregon:

Cacttus Education prej prespektivës time është njëra ndër shkollat më të avancuara në fushën e teknologjisë pasi që ta mundëson qasjen në praktikë, që e bën shumë më të lehtë kuptimin e secilës lëndë. Cacttus Education më ka ndihmuar shumë për tu qasur në punën që dëshiroj, pasi që gjithmonë më kanë ofruar punë praktike me klientët e ndryshëm të Cacttus.

Sa i përket planeve që Lisi ka për të ardhmen, ai thotë:

Planet e mija në të ardhmen janë të ngritem në pozita më të larta në lëminë e “System and Network Administation” në vende të ndryshme të botës. Me këtë do të jem në gjendje t’i aplikoj tërësisht studimet e mija dhe njohuritë e fituara në rrjeta dhe sisteme.

Për studentët e rinjë Lisi i këshillon:

Këshilla ime për studentët e rinjë do të ishte që të koncentrohen më shumë në punë praktike, e vendi më i mirë ku mundesh me mësu edhe teori edhe praktikë është Cacttus Education.

Dhjetor 12, 2018 Storje Suksesi, Storje Suksesi Studentet Komentet te Lis Grapci, IT Helpdesk në kujtesa.net Janë të Mbyllura

Si të fokusoheni në mirëqenien tuaj gjatë studimeve

Gjatë studimeve është shumë e rëndësishme t’i ndiqni ëndërrat tuaja. Por me projekte, detyra, ligjërata e ngarkesa të tjera nganjëherë ëndërrat dhe shëndeti mbesin pas dore.  Për t’ju inkurajuar që të përfitoni sa më shumë nga studimet, ju sugjerojmë t’i përvetësoni katër shprehi që ju ndihmojnë ta rrisni performancën tuaj akademike, si dhe të fokusoheni në shëndetin dhe mirëqenien tuaj.

Krijoni një mentalitet të rritjes (growth mindset).
Studentët që kanë një mentalitet të rritjes (growth mindset)– janë ata që besojnë se inteligjenca dhe aftësia nuk është diçka statike dhe që ka fund, por fokusohen në faktin se ne vazhdimisht rritemi përmes punës, përvojave dhe ndihmës së të tjerëve.

Kultivoni miqësi të reja
Të gjithë kemi nevojë t’i përkasim një komuniteti. Studentët sidomos, qofshin ata të vitit të parë apo të fundit, kanë nevojë të zhvillojnë raporte me njerëzit e tjerë, dhe të krijojnë një ndjenjë të identitetit personal brenda atij komuniteti.

Kaloni më shumë kohë në natyrë
Koha e kaluar në ambiente të hapura rritë mirëqenien tonë. Prandaj provoni të kaloni sa më shumë kohë në natyrë. Kjo ndikon pozitivisht në disponim, mund ta zvogëlojë stresin si dhe rifreskon emocionet kognitive. Kalimi i kohës në natyrë poashtu përmirëson kujtesën tuaj.

Flini mjaftueshëm
Kujtesa dhe të mësuarit përforcohen përmes gjumit. Përderisa studentët shpesh janë më të ngarkuar, është shumë e rendësishme të gjejnë kohë për të bërë një gjum cilësor (të paktën tetë orë gjatë natës).

Krijimi i një mentaliteti të rritjes, krijimi i miqësive të reja, kalimi i kohës në natyrë dhe prioritizimi i gjumit ju ndihmojnë studentëve të bëhen më të sukseshëm, si në klasë ashtu edhe jashtë saj.

Artikull i përshtatur nga Forbes
Dhjetor 10, 2018 I pakategorizuar Komentet te Si të fokusoheni në mirëqenien tuaj gjatë studimeve Janë të Mbyllura
Postime Së Fundi
Kategori