Si do të duket e ardhmja e punësimit në industrinë e teknologjisë?  Sipas CEO-së së IBM, Ginni Rometty, është e rëndësishme që kompanitë e teknologjisë të fokusohen në punësimin e individëve me shkathtësi të vlefshme, e jo vetëm ata që posedojnë diploma universitare.

Këto komente Rometty i ka bërë gjatë Forumit Ekonomik Botëror, në Davos, Zvicër. Drejtoresha ekzekutive ka thënë që ritmi i shpejtë i avancimit të teknologjisë tash në shekullin 21 e bën më të vështirë për njerëzit të gjejnë punë, gjë që ka dërguar deri tek zhgënjimi me të ardhmen.

“Me teknologjitë e reja që janë në botë, mendoj që kemi një problem shumë të madh të përfshirjes, që nënkupton se një pjesë e madhe e shoqërisë nuk mendojnë që kjo do të jetë e mirë për të adhmen e tyre.”

-tha Rometty.

Ajo poashtu iu drejtua edhe individëve që janë duke u munduar të fitojnë dhe mbajnë punët në sektorin e teknologjisë. Rometty tha :

“Mendoj që ne të cilët përfitojmë prej teknologjive, kemi një detyrë të rëndësishme për këtë, sepse këto teknologji po avancohen më shpejtë përgjatë kohës sesa shkathtësitë e kërkuara në teknologji.

Rometty ka shtuar:

“Mendoj që bizneset duhet të besojnë që unë do të punësoj për shkathtësitë, jo vetëm për tituj dhe diploma. Sepse përndryshe ne asnjëherë nuk do t’i plotësojmë zbraztësitë e industrisë së teknologjisë.

“Në këto profesione duhet të krijohet vend për të gjithë pjesëtarët e shoqërisë, prandaj jemi ngopur me kompanitë që punësojnë vetëm me diploma universitare e tituj si PHD,” tha Rometty, përderisa udhëheqësit e bizneseve lëviznin kokën në pohim.

Rometty foli për këtë ndërrim të rëndësishëm, dhe çka kompanitë duhet të bëjnë rreth asaj:

Askush nuk e di se çfarë fshihet në të ardhmen, por e dimë që do të përballemi edhe me kohë të vështira. Përgatitja për shkathtësitë e së ardhmes, në peisazhin e punësimit që po ndryshon shumë shpejt, është kritike. Sipas medium.com, modeli tradicional i arsimimit është një strukturë strikte dhe nuk ka shumë fleksibilitet të ndërtuar. Është e dizajnuar për një moment të së kaluarës në kohë dhe ekonomi.

Cila është zgjidhja?

Punësimi i bazuar në shkathtësi është mënyra e vetme për ta shpëtuar rininë nga papunësia.  Edhe kompanitë si Google, Apple, IBM, Hilton, Starbucks etj., së fundmi kanë shpalluar se të punësuarve në këto kompani nuk ju kërkohet të kenë diplomë universitare.

Artikull i përshtatur nga Gizmodo.com

STEM është zhvillimi i një kurrikule të bazuar në idenë e edukimit të studentëve në katër disiplina-Shkenca, Teknologji, Inxhinieri dhe Matematikë. STEM i integron këto katër disiplina së bashku dhe modelin e të mësuarit e bazon në aplikimet që këto disiplina i kanë në botën reale. 

Kombi duhet të përgatisë profesionistët e rinjë për një ekonomi të cilën ndonëse nuk mund ta parashikojmë, jemi të sigurtë që do të jetë ndryshe. Sfida kryesore është të sigurohemi që që ndryshimet në sistemin arsimor  i përmbushin nevojat e TË GJITHË studentëve, e jo vetëm të disave që janë më të sukseshëm.

Pra çfarë mund të bëjmë në komunitetet tona sot, për t’u përgatitur për 2030?

Fatmirësisht, ka shumë mundësi për të mbushur zbrastësinë në shkathësi. Forbes së fundmi ka bërë profilin e një përpjekjeje të tillë. Projekti Lead the Way është një organizatë jofitimprurëse ndërkombëtare që ju shërben miliona studentëve që nga arsimimi parashkollor e deri në shkollë të mesme. Programi Lead the Way është një program për inxhinieri, shkenca kompjuterike dhe programin e shkencës bio-mjekësore, që përdor mësimin në bazë të projekteve për të angazhuar studentët në mësimnxënien në STEM, dhe plotëson kurrikulumin bazë shkollor të shkollave.

Për të mbështetur sa më mirë nevojat e studentëve në komunitetin tonë, ne duhet të punojmë në secilin nivel të qeverisë, nga aftat shkurt në afatgjatë, dhe të përfshijmë zërat e atyre që nuk i shohim shpesh në tryezat e diskutimeve për këto qështje, përfshirë studentët, familjet dhe mësimdhënësit.

Ne poashtu duhet të shfrytëzojmë secilën mundësi dhe program për të mbështetur ndryshimet pozitive. Përshtatja e sistemit arsimor për të plotësuar nevojat afatgjata të kombit është një proces kompleks që sjell shumë sfida, por përmes një kombinimi te dëgjimit, mësimit dhe punës së bashku, kjo mund të arrihet. Programet sikurse projekti Lead the Way, KC STEM Alliance, si dhe qindra zëra të përfshirë në rimendimin e arsimimit (Rethink Education), të gjitha çojnë drejtë mundësive.

Ne mund të punojmë sëbashku për një qëllim, që deri në vitin 2030 secili student të përgatitet për të arritur sfidat e ekonomisë.

Artikull i përshtatur nga www.kauffman.org

Java është njëra ndër gjuhët më të njohura programuese që ka zbatim të gjerë në fushën e programimit. Java është shkathtësi shumë e domosdoshme për t’u mësuar nëse dëshiron ta fillosh një karrierë në programim.

Çka duhet të dini rreth Java:

Java është gjuhë e thjeshtë: Java është e lehtë për t’u mësuar, dhe sintaksa e saj është e thjeshtë dhe e lehtë për t’u kuptuar. Është e bazuar në C++ që e bën edhe më të lehtë për t’u mësuar për programerët që kanë njohuri në C++.

Java është gjuhë e pavarur nga platforma: Programet e shkruara në gjuhën programuese Java, pas përpilimit konvertohen në një gjuhë ndërmjetësuese që quhet bytecode, që funksionon pa marrë parasysh platformën ku programi ekzekutohet.  Kjo e bën Java-n shum të lehtë për t’u bartur pasi që bytecodes të Java-s mund të ekzekutohen në cilëndo pajisje, përmes Java Virtual Machine (JVM).

Java është gjuhë programuese e orientuar në objekte: OOP e bën tërë programin më të thjeshtë, duke e ndarë në një numër objektesh. Objektet mund të përdoren si një urë për kalimin e të dhënave nga një funksion në tjetrin.

Java është një gjuhë e rëndësishme: Gjuha programuese Java është gjuhë e besueshme, që përdoret në aplikacione të ndryshme, që kanë rëndësi të veçantë. Këtu hyjnë aplikacionet duke filluar nga Blu-ray players e deri tek sistemet e navigacionit. Prandaj Java është një gjuhë mjaft e sukseshme përdorimi i së cilës do të vazhdojë të rritet nga dita në ditë.

Nëse dëshironi ta mësoni këtë gjuhë programuese atëherë i kemi disa këshilla për ju.

Filloni me njohuritë bazike:
Mësimi i njohurive bazike për Java është vendi më i mirë për të filluar. Mbani mend, të gjithë fillojnë në pikën e njejtë, por nëse vazhdoni me këmbëngulje, mund t’ia dilni me sukses. Një burim i mirë për fillestarë që mund ta përdorni është Java Programming Basics.

Praktikoni kodimin:
Pasi t’i keni kuptuar gjërat bazike, mënyra më e mirë për t’i avancuar shkathtësitë është t’i praktikoni në vazhdimësi.

Lexoni rregullisht:
Vazhdimisht lexoni rreth temave të ndryshme në Java dhe provoni të eksploroni më shumë. Kjo do t’ju ndihmojë ta mbani interesimin në Java.

Mësoni në grupe:
Mësimi në grupe është mënyrë e mirë për të mësuar diçka. Në këtë mënyrë ju mund të mësoni rreth gjërave të reja dhe të shkëmbeni ide që mund t’i diskutoni dhe të zgjidhni probleme aty për aty.

Për ju që dëshironi ta mësoni dhe praktikoni gjuhën programuese Java në një mjedis të përshtatshëm nën mbikqyrjen e një instruktori të kualifikuar atëherë mund të bëheni pjesë trajnimeve që ofrohen nga Cacttus Education. Cacttus Education është një prej institucioneve më të kualifikuara në vend për trajnimet e fushës së teknologjisë. Për fillestarë, Cacttus Education ofron trajnimin Java Fundamentals, ku si elementare mësohen instalimi dhe konfigurimi, shprehjet në Java, Programimi i Orientuar në Objekte etj.

Për më shume informata rreth trajnimit klikoni KËTU.

Artikull i përshtatur nga: geeksforgeeks.org