Cacttus Education mori pjesë në Panairin Nacional të Punës dhe Karrierës 2019. Ky panair u organizua nga Ministria e Punës dhe Mirëqenies Sociale bashkë me GIZ-in gjerman. Përpos bizneseve e kompanive të ndryshme, pjesë e panairit ishin edhe institucionet arsimore. Gjatë panairit, pjesëmarrësit u informuan edhe për mundësitë e ndryshme për bursa, trajnime dhe seminare.

Vizitorët e shtandit tonë, patën mundësinë të mësojnë më shumë rreth trajnimeve profesionale dhe programit të studimeve që mund t’i ndjekin në Cacttus Education.

Cacttus Education mori pjesë në konferencën “Arsimi Profesional dhe Orientimi Profesional janë Politikë Ekonomike” e organizuar nga Fondacioni Friedrich Ebert, GIZ dhe Oda Ekonomike Gjermane-Kosovare.

Gjatë kësaj konference u fol për shkollimin profesional dhe rëndësinë e tij për ekonominë e vendit.

Konferenca “Arsimi profesional dhe orientimi profesional janë politikë ekonomike” from Ekonomia Online on Vimeo.

Cacttus Education mori pjesë në Javën e Shkencës 2019 organizuar nga Qendra Social-Edukative “Don Bosko” në Prishtinë. Java e Shkencës karakterizohet nga aktivitete të ndryshme, ndër të cilat është edhe Dita e Shkencës ku studentë nga shkolla të ndryshme garojnë me projektet e tyre.

Cacttus Education ishte sponzor në Javën së Shkencës, dhe pjesë e komisionit vlerësues të projekteve, përfaqësuar nga Drejtoresha e Programit Znj. Vildane Kemendi.

Aktivitetet e Javës së Shkencës u përmbyllën me Ditën e Shkencës, ku u përzgjodhën edhe projektet fituese të ekipeve pjesëmarrëse.